Madagascar 2

గునిసియాడు ‘అలెకి’ యనెడు సింగడొకడు
గఱువ చారల-తురగమ్ము ‘మార్టి’
మృదు మెతక జిరాఫు, ‘మెల్మాను’ యనువాడు
‘గ్లోరి యా’ను నీటిగుఱ్ఱ మొకతె
వీరి గాధలేను వేరుకథలు గావు
మీకు చెప్పుచుంటి నేక బిగిన

సెక్యులరిజము సొల్లు

(ముందు వ్రాసిన ఆటవెలదితో కోపం పూర్తిగా వెళ్ళగక్క లేకపోయాను, అందకే పైన ఒక సీసాన్ని జోడించాను)

హైందవ పండితులం దండితుల జేసి,
తరిమికొట్టుట పెద్ద తప్పుకాదు
దేవాలయాలను కైవెక్కి కొవ్వెక్కి,
దాడుల గూల్చిన తప్పులేదు
ఉగ్రవాదమ్ము మతోన్మాద వాదమ్ము,
పెచ్చరిల్లుట కాదు పెద్ద మాట
మతఛాందసుల వల్ల మనతల్లి భారతి,
తల్లడిల్లిన పెద్ద తంతు కాదు
'ప్రతిపక్ష బృందమ్ము బలగమ్ము హెచ్చుట
శాంతి భద్రతలకు చావుదెబ్బ'

సెక్యులరిజమంచు
చెల్లు కబురులు గార్చు
మతపక్షపాత భ్రమణమతులు
ప్రజకు హక్కులంచు,
ప్రగతి పథములంచు
ఎన్నికలను దెచ్చి,
ఎన్నొ కలలు చూపి,
ప్రజల కోర్కె చూచి,
ప్లేటులు ఫిరాయించి
తిక్క మాటలెంచిరేల?

"The rise of BJP in the border state which is facing terrorism is a worrying factor for the entire country," he said.

ఉగ్రవాదం పెరగడం కాదు, ఎన్నికలలో మందంజ వేసిన పార్టి వల్ల భయపడాలనేది ఆజాద్ సొల్లు వాగుడు. ఏంటో ఈ గోల?!

Oye Lucky! Lucky Oye!

సీ. ఉన్నది, లేనిది, చిన్నది, పెద్దది,
సొంతము కాదని చూసుకోడు
మెచ్చిన వస్తువు నచ్చినరీతిన
చంకనవేసుకు జారుతాడు
బాకులు కత్తులు పట్టని చోరుడు,
మాయలు నేర్చిన మాటకారి
తీయని తేనెల మాయల మాటల
మూటలు మోసిన మోసగాడు

ఆ. ఎట్టివారి నైన బుట్టలో పడవేయ
బూటకాల నల్లు ఆటగాడు
రెప్పపాటులోపె తప్పుకు పోతాడు
హుళకి చేసి సొత్తు హొయల ‘లక్కి’

వివరాలు ఇక్కడ చదవండి.

Rab ne bana di jodi

(ఆదిత్య ఛోప్రా వచ్చి..)
కం. నిచ్చెనిదే స్వర్గానికి
తెచ్చితినోయ్ చూడమంటు తెర చూపంగా
అచ్చెరువొందిన సుజనులు
వచ్చిరి తచ్చన తెలియక పరువిడి వడిగా

కం. మురిపెము ముచ్చట మీరగ
బిరబిర మూగిన జనమిక బిమ్మిటిగొనగా
అరచేతిలోని స్వర్గము
తెరకెక్కదనే నిజమ్ము తెలిసెను తొరగా

వివరాల కోసం ఇక్కడ నొక్కండి త్వరగా

ఏడాది నిండింది

నేను పద్యాలు వ్రాయడం మొదలు పెట్టి అక్టోబర్ పదికి ఏడాది పూర్తయ్యింది. అంతకు పూర్వం ఛందో బధ్ధమైన పద్యాలు వ్రాయాలని కోరికే తప్ప ఎలా వ్రాయాలో తెలియక కొట్టుమిట్టాడుతున్న నాకు ఆ ఆంజనేయస్వామి దయవల్ల కాస్తో కూస్తో గణాల గుణాలు వంటబట్టినాయి.

నేను చూస్తున్న చిత్రాలను గూర్చి వ్రాసిన మొదటి ఉత్పలమాల తరువాత, అమెరికాలో నా కారు నడపడం ఓ కొత్త మలుపున పడిందనే చెప్పచ్చు - సాధారణంగా ఎన్పీఆర్ లేక పాత తెలుగు పాటలు వినేవాణ్ణి పద్యాలల్లడంలోనే గడపడం ప్రారంభించాను. అక్టోబరు, నవంబరు నెలల్లో వీలు దొరికినప్పుడల్లా, మనసుకి నచ్చిన విషయం అందినప్పుడల్లా పద్యాలు కూర్చడానికి ప్రయత్నాలే. ఉల్లాసంగా దొర్లిపోయిన కాల మది.

ఆ ప్రవాహం సింగపూరుకి చేరిన కొత్తలో కొంచెం కుంటువడినా ఇప్పుడు మళ్ళీ వ్రాయడానికి ఉత్సాహం, అవకాశాలు, వ్రాయగలనన్న నమ్మకం ముప్పిరిగొన్నాయి. ఈ సమయంలోనే రెండు అభినవ భువనవిజయంలో పాల్గొనడానికి అవకాశమిచ్చి నా ఉత్సాహానికి ప్రోత్సాహాన్ని అందజేసిన పొద్దు సంపాదకవర్గానికి నా కృతజ్ఞతలు.

నేను వ్రాసిన పద్యాలను మెచ్చుకుని, తప్పులుంటే నిర్మొహమాటంగా తెలిపి కొత్త విషయాలు తెలిపిన బ్లాగ్మిత్రులైన - కొత్తపాళీ గారు, వాగ్విలాసం రాఘవ (కొన్ని టపా వ్యాఖ్యల్లో రాఘవతో ఆడిన గొలుసు వృత్తాల ఆటలు నాకిప్పటికీ గురుతే.), వికటకవి, చదువరి, రానారె, శ్రీరాం, రాకేశ్వర రావు, ఊదం, బ్లాగేశ్వరుడు -వీరందరికీ వేవేల నెనరులు.

పదేళ్ళ పాటు, ముందు పైచదువుల వలన అటుపై వృత్తిరీత్యా ఆంధ్రప్రదేశం బయట నివసించడం వల్ల - ఇంటి వాళ్ళతో ఫోన్లో మాట్లాడేటప్పుడు తప్ప- తెలుగులో సంభాషించే అవకాశాలు లేక, నెమ్మదిగా తెలుగులో ధారాళంగా మాట్లాడగలిగే శక్తినే కోల్పోయిన నాలో స్వభాషాభిమానాకి పునర్జన్మనిచ్చిన గొప్పదనం తెలుగు బ్లాగరులే చెందుతుంది. వీరికి నా ప్రేమ పూర్వక ధన్యవాదాలు.

నేను మొదట నేర్చుకున్న ఛందస్సులో తప్పులు ఈ మధ్యనే అవగత మయ్యాయి. తాడేపల్లి బాలసుబ్రహ్మణ్యం గారు, భైరవభట్ల కామేశ్వర రావుగారు, చింతా రామకృష్ణారావు గారు - ముఖ్యంగా ఈ మువ్వురి చలువవల్ల నాకు కొత్త విషయాలు నేర్చుకుని, తప్పులని సరిదిద్దుకునే అవకాశం లభించింది. వీరికి నా వందనాలు.

ఇక వీలు దొరికినప్పుడు పూర్వం వ్రాసిన పద్యాలలో దొర్లిన తప్పొప్పులను సరి దిద్దాలనుకుంటున్నాను.

ప్రస్తుతానికి నేను వ్రాసిన వాటిల్లో నాకు కొద్దో గొప్పో సంతృప్తినిచ్చిన పద్యాల లంకెలివిగో.

౧. గణాధిపతి కి నమస్సుమాంజలులు
౨. మిస్సమ్మకు మత్తకోకిలలు
౩. గుండమ్మకి సీసాలు
౪. మాగీకో మాల
౫. తేట తెలుగు పలుకు
౬. పదహారు పాదాల అప్పుల తిప్పల ఉత్పలమాల
౭. పదహారు పాదాల బీ మూవి మత్తకోకిల
౮. మా లెక్కల మాస్టారికి చంపకమాలాంజలి
౯. ఒబామకి ఆంగ్ల వృత్తం

గూగుల్ వార్తలు

కడు గర్మాగరమైన* వార్తలను సౌకర్యమ్ముగా సేకరిం
చెడి గూగుల్ మన భాషలో విడుదలై శ్రీకారమీరోజునే
చుడితే వార్తల గూటికై, భళిభళీ చూడండనే గోల చే
యడమే నా పని, బాగుబాగనుచు సాయంచేయడం మీ పనీ

गरमा गरम

జన్మ నక్షత్రము

మత్ప్రీతి పాత్రమైనది
సత్ప్రవరంపు* జనుమం బ్రసాదించుం దా
తత్ప్రవృతులం* బ్రవృధ్ధిం
చిత్ప్రౌఢిమ లొసగు రిక్క* సిరుల ధనిష్ఠా

సత్ప్రవరము - మంచి గుణము గల
ప్రవృతులు - వరము పొందిన వారు
రిక్క - నక్షత్రము

కత్రినా కోశి

ఇవి బిహారు జన పరిస్థితి గురించి చదివి నేను క్రోధితుడనై వ్రాసిన ముక్కలు.

కత్రినా యుప్పెన కట్టలు ద్రెంచుచు
క్రౌంచ భూమండలి ముంచిదేల్చి
చెప్పిన గుణపాఠ మిప్పటికి గురుతే
కనుకనే గుస్తావు కనకరించె
తొల్లి తల్లడివడె తల్లి మన భరతా
వని వెల్లువల వెల్లి* వాతబడుచు
గురుతుండ వివిగాన గుడ్డిమాలోకాన
కడివోయె* కోశి శోకములుదెచ్చి

ముందు దెబ్బమోది నుడువ* మొగ్గుజూపు
దండ భేద నీతుల నమ్మియుండు గండ
కొన్ని కయ్యాల కొనిదెచ్చుకొన్న జార్జి
బుస్సుమంటు పైకురికెడి బూచిగాడు

మిగుల నపకీర్తి నార్జింప దగిన వాడె
ముందు తాజేసిన తలతిక్క దిగువాయి
పనుల సరిదిద్దె బగ్గీజి* పట్టణంపు
ప్రజకు జతగ నిల్చె వరదబాధ బాపి

ఈ సారి గుస్తావు నేలతాకక మునుపే (ఫీమాతో సహా) అందరినీ సమాయత్తం చేసి సిధ్ధంగా ఉంచాడు జార్జి బుష్షు. హోంవర్కు చేసుకొచ్చిన వాడి పుస్తకం మాస్టారు తనిఖీ చేయనట్టు, గుస్తావు వీరి సంసిధ్ధతని పరిక్షించలేదు. మనవాళ్ళు ఇలాగ హోంవర్కు చేసి ఎన్నాళ్ళయ్యిందో - ఇంకా ఎన్నాళ్ళు పకృతి మేష్టారి దెబ్బలు తినాలో?

లాలు లాలూచిగాడని ఱాలు ఱువ్వు
చేతగాని వాడని గ్రుచ్చిచెప్పు నిశిత
బుద్దిశాలి నితిశుడేమి బొడిచె నీట
మునుగుచుండ బీహారి యూళ్ళు నగరములు

నితిశ్ సంగతి అటుంచితే, మన మన్మోహను డేమి ఒలక బెట్టాడు?

ఒకానొకప్పుడు,

విత్తపు మంత్రి పదవియం
దుత్తముడు ప్రగతికి దోహదుండయి గమనం
బత్తమిలకుండ సతతం
బుత్తలపడువాడు సత్తముండయి జనియెన్

తదనంతరము,

సాటియె లేడెవ్వడతని
పాటికి రాడెవ్వడనుచు పాటవమున నా
రాటము మీఱగ పీఠం
బేటలు వేయక* నొసగుటె బీజంబయ్యెన్

ఠక్కున నిర్ణయాలు తీసుకోలేని ఓ తోలుబొమ్మ దేశానికి ప్రధాని అయి కూర్చుని యుండడానికి.

నోట నాలిక లేదయె వేటికైన
సోనియా తల్లి దీవెనలైన లేని
పనుల ముట్టని మన ప్రధాని నిమిషాల
మీద నిర్ణయా లెటుల తర్ఫీదు చేయు?

వెల్లి: పరంపర
కడివోయె : చెడ్డదయ్యెను
నుడువ : మాటలాడ
బిగ్గీజి : బిగ్ ఈజి, కొత్తార్లియన్సుకి మారు పేరు
ఏటలు చేయక: గొడవ చేయకుండా

Twinkle twinkle little star

ట్వింకిల్ ట్వింకిల్ లిటిల్ స్టార్ కి నా తేటగీతి అనువాదం

మినుకు మినకను చిఱు తార
మింటిన నిను కనుగొని యెపుడు
ఎవ్వరీ ఘన మణిమయమై
వెలుగుల గనియని మైమరపు
మినుకు మినుకను చిఱు తార..
మినుకు మినుకు తార..

తే.గీ. మినుగు మినగను చిఱుతార మింటిన నిను
కనుగొని యెపుడు ఎవ్వరీ ఘన మణిమయ
మై వెలుగుల గనియని మైమరపు మినుగు
మినుగను చిఱుతార మినుగు మినుగు తార

పప్పులో బ్రిస్టల్ కాలు

పేలిను కూతురి జారిన
కాలుని పట్టుకుని జాన్మెకైనుని కుమ్మే
య్యాలని కుత్సిత మొద్దని
తాలిమి విలువని తెలిపిన స్థైర్యమొ బామా

McCain, Sarah Palin

ష్రెక్కు గాడిద కలిసి మొదటి సారి పొట్టి రాజు ఫార్క్వార్డు వద్ద కెళ్ళి నప్పుడు, ఆకాశాన్ని తాకే వాడి రాజభవనాన్ని చూసి ష్రెక్కు “తన దగ్గర ఏదో తక్కవైన దానికి సంజాయిషీలా కట్టాడు కదా” అంటూ వెకిలి నవ్వు నవ్వుతాడు. జాన్మెక్కేను సారా పాలిన్ని ఉపాధ్యక్ష పదవికి ఎన్నుకున్నప్పుడు నా కదే గుర్తుకొచ్చింది.

నెత్తిన పచ్చిక బొత్తిగ నిల్వని
బట్టబుఱ్ఱడి కుండు జుట్టు పిచ్చి
తనవద్ద లేనట్టి తాయిలంబునుజూచి
తారాడు మ్రుచ్చుని దగులు పిచ్చి
సత్తువ లుడిగిన ముత్తాత కొచ్చెనో
పరువంపు వంపుల పడతి గాంచి
సూదంటుఱాయిని కాదంటు త్రోయని
లొంగేటి మ్రుక్కడి లోహమల్లె

లొంగినట్టున్నాడు మెకేను దిగులుతో త
నకెదురు నిలబడ్డ నవకిశోరు
గాంచి యనుభవజ్ఞుడనని గంతులేయు
వాడె చివురు మొలక వలతి నెంచి

లంగూడి

ముందు చంద్రమోహన్ గారి జేశ్వరాథముల టపాలో వ్యాఖ్యలు చదవండి. లంగూడి కర్ధమేమిటో చెప్పమ నడిగిన కుర్రాడెవరో తెలియదు, అతనికే నా ఈ పద్యాన్ని అంకిత మిస్తున్నాను. అతడీ పద్యాన్ని చదివి ఏ ప్రశ్న వేస్తాడు?

వృత్తములలోని యతి ప్రాస పెత్తనం బొ
లయిన వాటియం దెన్నగల విధములను
ద్విపద యుత్సాహ యనురెండు వీటి వెనుక
జతగ తరువోజ కందలం జాతులండ్రు

వీరెవరు?

నచ్చిన బ్లాగుల గురించి వ్రాస్తున్నప్పుడు తట్టిన ఆలోచన ఇది. ఓ బ్లాగు గురించో, ఆ బ్లాగులోని ప్రసిధ్థి పొందిన టపా గురించో లేక సదరు బ్లాగరు గురించో ఒకటో రెండో ముక్కలు తెలియజేస్తే - అది ఎవరో పట్టేయగలడం సాధ్యమేనా అని. నేను చెప్పే ముక్కలు నా అనుకోలు కాబట్టి కష్టమవ్వ వచ్చు, కానీ నవ్వులాటకి ఓ పృఛ్ఛకంలా ఆడుకుంటే కాసింత నవ్వు వచ్చు కదా అని, నా ఆలోచనని టపా చేసేసాను. ఇది ఎవరినీ నొప్పించడానికి చేసిన ప్రయత్నం కాదని గమనించి, నేను వ్రాసిన లైన్లు అక్షరాలా నిజం కాకపోవచ్చునని గ్రహించి, వీలు దొరికితే కాస్త బుఱ్ఱగోకి, ప్రయత్నించండి..

బ్లాగులెవరివో చెప్పను, బ్లాగు గురుతు
నొక్క ముక్క వాడుతు వెలిగక్కుతాను,
చూసి చెప్పగలరొ లేరొ చూతు మింక,
నవ్వులాట కాన యెవరు నొవ్వరాదు.

1. తానొవ్వక నొప్పించక (చురకలంటిస్తున్నప్పుడు కూడా :-) OR హుందాతనము
2. బ్లాగక్క
3. పాండిత్యం
4. కేనన్ తో ఫొటోలు
5. "రాక్స్" (రాళ్ళు కావు)
6. పది రూపాయల నోటు
7. సినిమా
8. తెలుగువీరుడు
9. రాముడు మంచి బాలుడు
10. ఆంగ్లము, హాస్యము
11. అనువాద కథలు
12. సాంకేతిక విషయాలు
13. కడప
14. వికిపీడియా
15. కింగ ఫిషర్ విమాన భామలు
16. పనిలేని మంగలి :-)

నాకు నచ్చిన బ్లాగులు

తాబాసు గారిది తనదైన గరిమము
కలగూరగంపగా కనులవిందు
కొత్తపాళీగారి గుత్తాధిపత్యము
విన్నదీ కన్నదే వింతలేదు
భైరవభట్లవి బహుచక్క వ్రాతలు
తెలుగు పద్యాలను తెలియపరచు
వర్తమాన విషయ వ్యాఖ్యాత చదువరి
లొసుగులన్ కనిపెట్టి లోతుజెప్పు

వాగ్విలాస రాఘవాభిధానుండును
తెలుగుపద్యములకు తేటగీతి
నాకు నచ్చినట్టి చాకులైదుగురని
సీసపద్యమందు చెప్పబోతి

ఇంకా,

మాండలికమ్ములో కథకు మంజిమ నిచ్చెడి రామనాథుడూ,
మెండుగ హాస్యవల్లరుల మేమెయి పూతకుదెచ్చు శ్రీనివా
సుండును, ఊకదంపుడను చోద్యపు పేరుకి పేరుదెచ్చినా
తండును, నాకునచ్చు మగతా సహ బ్లాగరులైరి చూడగా..

గరిమము= గొప్పదనము
మంజిమ = మనోజ్ఞత
మేమెయి = సునాయాసంగా

Obama beats Clinton

సీ. తలకు మించిన పని తలపెట్టి వెరువక
వాదాడు తాబే లొబామ వలన,
గెలుపు నాదేయంచు గీరతో నిక్కిన
కుందేలు క్లింటను కూలబడెను,
తలలు పండిన పండితు లెవరూ కలలోన
సైతము సాధ్యమని, తలపోయ
దలచని మలుపున, తలవంపు లయ్యనే
ముందుండి తగ్గిన ముదిత కిపుడు

చావుదెబ్బ పడెను, చేవ తగ్గదికను,
తగ్గదేమి పొలతి యొగ్గదేమి?
చెప్పనలవి కాదు, పప్పులో పడె కాలు,
తప్పుకోని హిలరి తర్కమేమి?

బత్తీ బంద్

సీ. పెరటిలో చెట్లన్ని పెకలించి వేసెను
వీటికేమున్నది విలువ యంచు
నూతిలో నీళ్ళన్ని రోత పంకంబుగా
సేసె లేదయ్యొ నా దోస మనుచు
నింటి పైకప్పుకున్ తూటులు పొడిచేను
పైకప్పు కూల దీపాటి కనుచు
జంతుజాలమునెల్ల చంపివేయుచు వీగె
వీటి ప్రాణములు నావేయటంచు

ఘోర పాతకాల కోరి మరల చేసె
తప్పు తనది యనుట, తప్పు యనుచు
నిట్టి మనుజుని కిక నేమని సెప్పుదు
కొంప నరకమంచు ఘొల్లుమనిన?

బత్తి బంద్ లో నేను హాజరు వేయించుకున్న వైనం ఇక్కడ చదవండి

Horton hears a who

పిక్సారు వారికి సరితూగే యానిమేషను కాకపోయినా, కథ, కథనం అద్భుతంగా ఉండడం వల్ల ‘హార్టను హియర్సె హూ’ చిత్రం హాయిగా చూడదగ్గ సినిమాల కోవలోకి చేరి కూర్చుంది.

ఉ. హార్టను హూజె జెంటిలు జయంటినె జంగిలు, టీమ్స్వితిజ్బడీ
మార్టను హూజె క్యూట్లిటిలు మౌజు టు ప్రూవు (టు యానిమల్సు హూ
ఆర్టిలి కన్సిడర్హిమె రియల్కుకు టైపు ఇమాజినింగె ‘హూ’)
హార్టిలి "ఎవ్విరీ లిటిలు యానిమలాలుసొ హాసెరైట్టులివ్"

ఉ. Horton who is a gentle giant in a jungle, teams with his buddy
Morton who is a cute little mouse to prove (to animals who
artily consider him a real cuckoo type imagining a ‘who’)
heartily "every little animal also has a right to live"

మనమా..

రానారె కడప కేంద్రం నుంచి వెలువరించిన మరో సమస్యకి నా పూరణలివిగో.

మొదటిది

మ. మన కో ఒద్దికనేది లేదనికదా, మర్యాదగా చాలుచా
లని దూరమ్ముగ నుండిపోతిమిటు, దూరాలింత ఏకాంత చిం
తను ప్రేమాతిశయమ్ము చేయ, వినదే నా గుండె నామాటనే,
“మనమా వొద్దిక నాదు మాట వినుమా మర్యాద కాపాడుమా”

రెండవది

మ. సినిమా పాటలదో అథోగతి సుమా, ఛీకొట్టి చెండాడనా?
“గుణమేలేని ఇలాంటి రొంపిన పడినా, గోలెందుకోయంచు యే
మనమా?” వొద్దిక నాదు మాట వినుమా మర్యాద కాపాడుమా
యననా, భాషను చంపుతున్న కవులూ, ఆగండి, యన్జెప్పనా?

రామ పదాబ్జముల్

రానారె కడప కేంద్రం నుంచి వెలువరించిన సమస్యకి నా పూరణ ఇదిగో - రావణుడికి హనుమంతుని హితబోధ ఇది.


శా. కామాగ్నుల్ హరియించి పోవు తృటిలో, కైంకర్య మందేనురా,
రా, మాయమ్మను భక్తితత్పరుడవై రామయ్యకందించగా
రా, మా రామ పదాబ్జముల్ కొలువరారా, కీర్తి మిన్నందురా
నీ మాన్యంబిక లోకమందు వెలుగున్ దేదీప్యమానంబుగా

పొలో!

ఈ వారం పని మర్చిపోయి, సరదా ఎంజాయిమెంట్లో పడే
పోవాలంటు, మరేమి బాధ్యతల బర్వూ లేని స్వేఛ్ఛాయువే
కావాలంటు, యధేఛ్చగా తిరుగుతూ కాలం వృధా చేస్కునే
ఆవారా పనిలో పడాలనుకునే, అయ్యాను సిధ్ధం! పొలో!!


వచ్చే వారమంతా నేను హైదరాబాదులోనే ఉంటాను. ఈ మధ్య పెరిగిన పని వత్తిడి నుంచి కొంత విముక్తి కూడా - వీలు దొరికినప్పుడు విశాలాంధ్రాకి వెళ్ళి మంచి పుస్తకాలు కొన్ని కొనుక్కోవాలని అనుకుంటున్నాను, అంతకు మించి ఇంకేమీ పనులు పెట్టుకో దలచు కోలేదు. ఎవరైనా బ్లాగ్మిత్రులు ఈ సమయంలో సమావేశాలేవైనా పెట్టుకోవాలనుకుంటుంటే తెలియజేయమని మనవి. రావడానికి తప్పక ప్రయత్నిస్తాను.

Food for skin!

A few days ago, I was listening to an interview of a Food Administration Official in the NPR FM channel. I do not remember the name of the official though. The interview was about a book that she wrote recently about why the number of incidences of cancer are on the increase. One thing that caught my interest was about the skin-care.

(As mentioned in the interview): Skin is a very large organ that is exposed all the time. Hence we need to take really good care of it. Skin absorbs whatever is applied on it. So, what we apply on the skin should be edible practically.

This made me wonder -- in that case, all the skin-related products that we use, should not have the warning tag 'For External Use only'. These days even Ayurveda-inspired products like Himalaya have that tag, not to forget chap-sticks and lip-sticks; alas! I wonder how these companies that make these products think the substance is far away from getting into the mouth!

All these thoughts brought back my childhood memories, when my mother and my grand-mother would constantly remind me almost everyday to do an oil-bath. Oil-bath is an elaborate and healthy process (it used to be a daily ritual, but no longer). An edible oil like sesame oil or olive oil is used to oil the skin well and then one has to wait for a while for the oil to get into the skin. A soft paste is prepared with lentil's flour (usually moong dal, chana dal) and milk. This paste is applied on the skin and the scrubbing process starts. After that, it is time to rinse.

Now if I think, all the substances we used were edible - indicating that this is the best bath product for the skin and hence, for our body too. Forget about all the 'complexion-care', 'dry-skin care', 'even-tone care', 'anti-aging care' skin products - one run through the ingredients present in the soap - puts in a lot of doubts in my mind, like is sodium laureate edible?

Recently, my daughter's pediatrician also suggested the same, when I raised concerns over her skin dryness which I observed usually during seasonal and climate changes (this is called acclimatization) and asked which moisturizers to use. This is what he said - 'you should use sesame oil at home, the one we use in preparing pickles. Apply that before and after bath. And for the bath, use stone-pressed soft moong dal flour'. Its been a week now and her skin has improved withstanding the effects of climate change. Do I need any other testimony? I don't think so!

What our ancestors followed, does seem to be a very healthy thing! After all these inventions and research in skin-care products, I think we will and we have to get back to lentil's flour and edible-oil based bath products.

Well, it will be amusing when skin products have the tags like -
'Gives better or similar results when consumed'!
'Can be used as a substitute for a snack, 0% Trans fat'
right?

[Any such interesting one-liners are welcome!]

Obama!

ఉ. Clinton made a lot many carefully crafted plans, and very
intelligently gave her entry an aura that of victory
meant to be "scare-away every winner wannabe" move; not to be!
enter a young man* with an endearing message : "change, hope"

ఉ. క్లింటను మేడె లాటు మెని కేర్ఫులి క్రాఫ్టెడు ప్లాన్సు, అండ్వెరీ
ఇంటలిజెంట్లి గేవు హరు ఎంట్రి ఎనార దటాఫు విక్టరీ
మెంటుబి “స్కైరెవే ఎవిరి విన్నరు వానబి” మూవు, నాట్టుబీ!
ఎంటరె యంగుమాను* వితెనెండియరింగు మెసేజి ‘ఛేంజి, హోప్’

ఇక్కడ యంగుమాను బదులు డార్కు హార్సు అని వ్రాసినా గణభంగం జరగదు, చెప్పదలచుకున్న అర్ధమూ చెడదు, కానీ ఆంగ్లంలో వ్రాస్తూ డార్కు/హార్సు ఉపమానాలు (సరిపోయేవైనా) తీసుకురావడ మెందుకని వదిలేసాను.

ఆడువారి చేతలకు అర్ధలె వేరులే

ఓ మద్దుగుమ్మకి ఇద్దరు దగ్గర స్నేహితులు. వారి స్నేహాలు ప్రేమగా మారడానికి పెద్ద సమయం పట్టలేదు. అమ్మాయికి ఇద్దరూ ఇష్టమే, మరెలా? ఇక అటో ఇటో తేల్చుకోవాలనుకుంటుండగా అబ్బాయిలిద్దరూ దగ్గరవ్వమని కోరారు.

మొదటబ్బాయి:
My dear you will never get a nicer
buddy than me, you’re lucky
don’t run away likeyou don’t likeme, silly
you can never getaway, come to me

అన్నాడు. అతనన్నది నిజమని అమ్మాయికి తెలుసు. ఐనే ఎదో అనుమానం. ఇంతలో

రెండవబ్బాయి:

O! very very nice lovely pretty young
thing, I do not think it is fair
for you to give me a bored look, hear
will be ya’ love, please come near.

అన్నాడు.

అమ్మాయి ఓ క్షణమే ఆలోచించింది. వెంటనే రెండవబ్బాయి దగ్గరకి చేరింది.

ఎందుకు?

==

ఎందుకంటే చిన్నప్పుడు మనము చదువుకున్న కాళిదాసు, భవభూతి (కల్పిత) కధలో ఎక్కువ అణాలిచ్చిన కవికే తాంబూల మిచ్చిన అమ్మాయిలాగ, ఈ అమ్మాయి కూడా, పైన చెప్పిన పలుకులని ఇలా విన్నది.

మొదటబ్బాయి:

My dear you will never get a nicer buddy than me, you’re lucky don’t run away likeyou don’t likeme, silly you can never getaway, come to me

ఆ.వె. మైడియరు, యువిలు నెవరు గెటె నైసరు
బడ్డి దాను మీ, యువారు లక్కి,
డోన్టు రనవె లైక్యు డోన్టులైక్మీ, సిల్లి,
యూకెను నెవరు గెటెవే, కముటుమి

రెండవబ్బాయి:

O! very very nice lovely pretty young thing, I do not think it is fair for you to give me a bored look, hear will be ya’ love, please come near.

కొ.వె. ఓ వెరివెరి నైసు లవులీ ప్రెట్టి యంగు
థింగు, ఐడునాటు థింకిటీజు ఫెయిరు
ఫరుయు టు గివు మీ ఎ బోర్డు లుక్కు, హియరు,
విల్లు బీ య’ లవ్వు, ప్లీజు కమ్ము నియరు

విని, నన్ను కోరుతూ ఆటవెలదా? అనుకుని కొత్తవెలది పలికిన అబ్బాయి దగ్గరకే చేరిందన్నమాట..

(కొత్తవెలది అని పేరు కనిపెట్టిన రాకేశ్వరా, చప్పట్లు!)

పొద్దు మిత్రమా

ఇది చదవండి. ఇక,

చ. వడివడిగా పదాలపొది వాడి శరమ్ములవంటి పద్యముల్
విడువగ, కొన్ని తప్పినవి వేగిరపాటుకు దారి, చేరకే
పడినవి మార్గమధ్యమున, మంచివి కావని యట్టిపధ్ధతుల్,
విడుమని చెప్పినావు, విరమించెద వేగిరపాటు, (పొద్దు)మిత్రమా

No country for old men

శా. నోకంట్రీ ఫరు ఓల్డుమెన్ను కదనంతొక్కింది ఆస్కారుకై,
ఏకంగా మరి నాల్గుబొమ్మలకు కన్నేసింది, ఆస్కారమే
లేకుండా తనసాటి బొమ్మలను తేల్చేసింది ఈ ఏడు చ
క్కా కుందించి పడేసి వాటిని, తనే గైకొంది, వీగింది, పో!

కుందించి అంటే కుదించి, అణగ త్రొక్కి అని అర్ధం వచ్చేలాగ రాస్తే వచ్చిన విమర్శల కారణంగా చివరి పాదం సవరించాను, చివర్లో పురస్కారముల్ అని వాడుక వల్ల పద్యం పూర్తిగా వ్యవహారికము కాక బాగుండదేమో అనే సంకోచం కొంత పీడిస్తున్న మాట మాత్రం నిజం.

శా. నోకంట్రీ ఫరు ఓల్డుమెన్ను కదనంతొక్కింది ఆస్కారుకై,
ఏకంగా మరి నాల్గుబొమ్మలకు కన్నేసింది ఆస్కారమే
లేకుండా తనసాటి బొమ్మలను తేల్చేసింది ఈ ఏటి ప్ర
త్యేకం తానని మెప్పుపొంది, గెలిచిందెన్నో పురస్కారముల్

సహాయం కావాలి

చ. తెలుగు అకాడమీ మనకు తెచ్చెను అర్ధశతాబ్ది ఉత్సవ
మ్ములను పురస్కరించుకొని బోలెడు చక్కని చౌక పుస్తక
మ్ములనని, ఎక్కడో చదివి, పోయి సరాసరి నేను చూడడం
సులభముకాక, ప్రాణము ఉసూరనె; మార్గము చిక్కెనింతలో...

మా మామగారు నా కోసమని వెళ్ళి పుస్తకాలు కొంటానన్నారు! సంతోషమే - కానీ నాకు తెలుగు అకాడమీ ప్రచురణల గురించి ఎక్కువ తెలియదు. తెలిసిన రెండు మూడు పుస్తకాల పేర్లు, ఇద్దరు ముగ్గురు కవి/కధకుల పేర్లు చెప్పాను. (వారి ప్రచురణలో కాదో తెలియదు). అందువల్ల మీకు తెలిసిన చదవదగ్గ తెలుగు అకాడమీ ప్రచురణలు ఏమైనా ఉంటే వెంటనే తెలిపి పుణ్యం కట్టుకోండి.

చెత్త పాటలు రాసే తెలుగు సినిమా కవీ.. -2

ఉ. దుష్ట సమాసముల్, తగని తుఛ్ఛపు సంకర జాడ్య మౌఢ్య భూ
యిష్ట ప్రయోగముల్, అతిశయించిన దుష్పదజాల వెల్లవల్
తిష్టలు వేసె నీ కలము తెచ్చిన పోకడవల్ల మూర్ఖుడా,
భ్రష్టవు భాష నీ చలువ వల్ల, నరాధమ ఓ సినీకవీ!

Singapore wins Youth Olympics 2010 bid

నిర్వహణ విషయం గురించి సింగపూరుని..

శా. కాస్కో, ఓ చిరు దేశమా, ఎదురు రాగానే సరా గొప్పగా
ఆస్కారమ్మిక లేదులే గెలువ, నీకా మోజు తీరేట్లుగా
చూస్కో చిత్తుగ పిండికొట్టెదములే చూస్తుండగానే, అనెన్
మాస్కో, గెల్వగ చూచి తొట్టతొలి యవ్వనంపొలంపిక్కులన్*.

కానీ అలా జరగలేదు. సింగపూరు చిన్నదైనా ప్రజాబాహుళ్యంలో ఈ ఆటలు నిర్వహించాలన్న తపన చూసి ఒలంపిక్కు కమిటీ వారు మాస్కోని వదిలి సింగపూరునే ఎన్నుకున్నారు. మాస్కోవాళ్ళు సింగపూరుని తక్కువగా చూపించాలని చేసిన ప్రయత్నాలు బెడిసికొట్టాయి.

* యూత్ ఒలంపిక్కులని గణాలలో కుదించడానికి, పాదంలో యతి మైత్రికుదర్చడానికి యవ్వనంపొలంపిక్కులు అనవలసి వచ్చింది. ఇంతకంటే మంచి ఆలోచన మీకు తట్టినట్టైతే చెప్పండి

Kitchen Confidential

చ. కళకళలాడు వంటగది, కమ్మటి వాసనలంతటా, భలే!
తళతళలాడు గిన్నెలు, నిదానముగా పని సాగుతూ భలే
సులభముగా ఫలారములు, శుభ్రముగా రుచులందునే సదా
“నిలబడి పాలు తాగెదము” నెమ్మదిగా, పరుగెందుకోయ్, వృధా?

..అంటూ దూరదర్శనిలో షెఫ్ఫులని, వారి వంటగదులని, వాళ్ళ వంట సామానుని చూసి హోటళ్ళ గురించి లొట్టలేసే వారు లేకపోలేదు. కానీ, నిజజీవితపు పూటకూళ్ళ వంటగదుల నిజాలు ఎంత నిష్ఠూరంగా ఉంటాయో తెలుసుకోవాలంటే ఆంతనీ బూర్డేఁ రాసిన కిచెన్ కాన్ఫిడెన్షియల్
చదవాల్సిందే.

మైక్రోసాఫ్టు పన్నాగం

ఇది చదవండి

త. చదువుసంధ్యల మున్గితేలుతు సాఫ్టువేరులు వాడగా
(బదులు డబ్బులు లాగుదామని మడ్డియోచన మానితే)
వదివి వేసిన వారలందరు వాడుకొందురు తేరగా,
ముదిరిపోదురు వాటిలోబడి, మంచి రాబడి వారిచే
కుదిరిపోవును ముందుముందిక, కొక్కెమే ఇది భేషుగా

చెత్త పాటలు రాసే తెలుగు సినిమా కవీ..

శా. ఏంట్రా నీకిది కొంచెమైన సబబా? ఇట్లాంటి సాహిత్యమా?
కంట్రీబ్రూటయి తెల్గు పాటలనిలాగా, పెంట సిన్మాలకై
కంట్రోలన్నది గాలికొగ్గి భడవా, గార్బేజిలా కక్కుతా
వేంట్రా? వెంట్రుకె ఉచ్చు నీకు వెధవా, వేళ్ళాడి ఊరేగరా.

కృష్ణ

మ.కో. బుట్టలో పడిపోతినే, అరె! బొత్తిగా మతి పోయెనా?
వట్టి మాటలు వ్రాయువారలపైన మాయని నమ్మకం
బిట్టిదెందుకు? పెద్ద idle జీవి brainకి ideaల్
తట్టునా, సరితూచి చెప్పగ నాసి చిత్రము చూసినా?

జవాబు: లేదు అలాంటి ఆలోచనలు తట్టవు. అతడికి మంచి సినిమాకి చెత్త సినిమాకి తేడా తెలియదు. సమీక్షలోంచి ఓ మచ్చుతునక..

“Second half’s graph goes down a bit during the flashback episode and pre climax scenes. But the director brought back the film on track with interesting climax by blasting a couple of fully-loaded lorries” రెండు లారీలు పేల్చేస్తే చిత్రం ఆసక్తికరంగా తయారవుతుందా?

ఐనా తప్పు నాది. ఇంటికి నడిచి వెళ్ళే దూరంలో నడిచే తెలుగు సినిమా ఈ మధ్య కాలంలో నేను చూడలేదు. త్యాంగ్బారు ప్లాజాలో, అంటే నడిస్తే ఇంటినుండి పట్టుమని పది నిమిషాలు పట్టని చోట, కృష్ణ సినిమా ఆడుతోందనే సరికి నాకు కలిగిన ఆనందం అంతా ఇంతా కాదు. ఇంత దగ్గగా తెలుగాటా? పైగా ఐడిలు బ్రేను గూట్లో జీవి బాపుందన్న సినిమా ఇది. ఇంకేం కావాలంటూ వెళ్ళిన నాకు తగిన శాస్తే జరిగింది.

సినిమా చెత్తలా ఉంది. రవితేజ పెట్టే కష్టాలని తట్టుకోలేక బహ్మానందం అరిచే వెర్రి నవ్వులు, బెల్టుతో కొట్టుకోవడాలు - ఇదీ హాస్యం. “సముద్రం అమ్మాయి ఒకే రకం, సముద్రం దగ్గరకి వెళ్తే మిగిలేవి అలలు, అమ్మాయి దగ్గరకి వెళ్తే మిగిలేవి కలలు” ఇలాంటి చెత్త సంభాషణలు, నవ్వుల కోసం చెవులు చిల్లులు పడేటట్టు అరుపులు, గావుకేకలు కోకొల్లలు ఇందులో. రవితేజ మాటతీరు, నటన బానే ఉన్నాయి కాని మంచి సినిమాకి అవొక్కటే సరిపోవుగా.

వీలు దొరికినా చూడకండి.

Jodhaa Akbar

ఉ. ఉల్లములెల్లనుల్లసమునొందగ, (భారత దేశమందు వ

ర్థిల్లిన రాచవీరుని గురించి నిజాలను కొంత మార్చినా)

తొల్లిటి వైభవాలు, కదనోద్యమ భేరులు, వీనువిందుగా

కళ్ళు జిగేలనే విధముగా తెరకెక్కెను జోధ అక్బరై

వివరాలు నవతరంగంలో రాసాను, వీలు దొరికినప్పుడు చదవండి.

U V Koteswara Rao

చ. గణనములోకి వచ్చుటకు కావలెనన్న సరైన జ్ఞానమూ
పనితనమున్ననూ పనికిమాలిన దారుల పోవుచుండగా
కనబడి, శ్రధ్ధతో చదువుకై కృషి చేసిన క్లిష్టమైనదౌ
గణితము పిండికొట్టడము కష్టము కాదని, దీక్షబూనితే
వెనకడుగేయనట్టి ‘మతివీరుని’ ధాటికి గట్టి దిట్టయై
కనబడు లెక్కయైన అడకత్తెరలో పడు పోకచెక్కలా
తునకలు కాకమానదని త్రోవను చూపిన విజ్ఞుడా, సదా
ఋణపడియుందు, నాదు అభివృధ్ధికి కారకుడా, నమోనమః

పై పద్యానికి నాలుగు పాదాల మూలమిది..
చ. గణితము పిండికొట్టడము కష్టము కాదని, పట్టుబట్టితే
వెనకడుగేయనట్టి ‘మతివీరుని’ ధాటికి గట్టి దిట్టయై
కనబడు లెక్కయైన అడకత్తెరలో పడు పోకచెక్కలా*
తునకలు కాకమానదని నూరిన కోవిదుడా నమోనమః

రామయ్యగారి వద్ద ఐఐటి పరిక్షకై చదువుకున్న వారికి కోటేశ్వరరావు గారి గొప్పదనం గురించి వేరే చెప్పనవసరం లేదు. క్రితం వారం హైదరాబాదు వెళ్ళినప్పుడు హిందు దినపత్రిక తిరగేస్తుంటే గుండెపోటు వల్ల ఆయన మరణించారని వార్త చదివి చాలా బాధ పడ్డాను. కాల్క్యులస్ బోధించడంలో ఆయనకి ఎవరూ సరిరారని నా అభిప్రాయం; పాఠాల మధ్యలో తెలుగు సామెతలు, "ఎంసెట్" కోసం బట్టీ పట్టే వాళ్ళ మీద విసుర్లు ఆయన trademark పధ్ధతి. గణిత శాస్త్రంమీద నాకు అభిమానం పెంచిన ఆయనని నేను ఎప్పటికి మరచిపోలేను.

(*ఆయన కాల్క్యులస్ లో లిమిట్స్ గురించి చెపుతూ లెగ్రాంజెస్ సిధ్ధాంతాన్ని ఓ తెలుగు గణితశాస్త్రవేత్త అడకత్తెరలో పోకచెక్క సిధ్ధాంతము అని మహ బాగా అన్నాడని చెప్పడం నాకు గుర్తుండిపోయింది)