మనమా..

రానారె కడప కేంద్రం నుంచి వెలువరించిన మరో సమస్యకి నా పూరణలివిగో.

మొదటిది

మ. మన కో ఒద్దికనేది లేదనికదా, మర్యాదగా చాలుచా
లని దూరమ్ముగ నుండిపోతిమిటు, దూరాలింత ఏకాంత చిం
తను ప్రేమాతిశయమ్ము చేయ, వినదే నా గుండె నామాటనే,
“మనమా వొద్దిక నాదు మాట వినుమా మర్యాద కాపాడుమా”

రెండవది

మ. సినిమా పాటలదో అథోగతి సుమా, ఛీకొట్టి చెండాడనా?
“గుణమేలేని ఇలాంటి రొంపిన పడినా, గోలెందుకోయంచు యే
మనమా?” వొద్దిక నాదు మాట వినుమా మర్యాద కాపాడుమా
యననా, భాషను చంపుతున్న కవులూ, ఆగండి, యన్జెప్పనా?

రామ పదాబ్జముల్

రానారె కడప కేంద్రం నుంచి వెలువరించిన సమస్యకి నా పూరణ ఇదిగో - రావణుడికి హనుమంతుని హితబోధ ఇది.


శా. కామాగ్నుల్ హరియించి పోవు తృటిలో, కైంకర్య మందేనురా,
రా, మాయమ్మను భక్తితత్పరుడవై రామయ్యకందించగా
రా, మా రామ పదాబ్జముల్ కొలువరారా, కీర్తి మిన్నందురా
నీ మాన్యంబిక లోకమందు వెలుగున్ దేదీప్యమానంబుగా

ఆడువారి చేతలకు అర్ధలె వేరులే

ఓ మద్దుగుమ్మకి ఇద్దరు దగ్గర స్నేహితులు. వారి స్నేహాలు ప్రేమగా మారడానికి పెద్ద సమయం పట్టలేదు. అమ్మాయికి ఇద్దరూ ఇష్టమే, మరెలా? ఇక అటో ఇటో తేల్చుకోవాలనుకుంటుండగా అబ్బాయిలిద్దరూ దగ్గరవ్వమని కోరారు.

మొదటబ్బాయి:
My dear you will never get a nicer
buddy than me, you’re lucky
don’t run away likeyou don’t likeme, silly
you can never getaway, come to me

అన్నాడు. అతనన్నది నిజమని అమ్మాయికి తెలుసు. ఐనే ఎదో అనుమానం. ఇంతలో

రెండవబ్బాయి:

O! very very nice lovely pretty young
thing, I do not think it is fair
for you to give me a bored look, hear
will be ya’ love, please come near.

అన్నాడు.

అమ్మాయి ఓ క్షణమే ఆలోచించింది. వెంటనే రెండవబ్బాయి దగ్గరకి చేరింది.

ఎందుకు?

==

ఎందుకంటే చిన్నప్పుడు మనము చదువుకున్న కాళిదాసు, భవభూతి (కల్పిత) కధలో ఎక్కువ అణాలిచ్చిన కవికే తాంబూల మిచ్చిన అమ్మాయిలాగ, ఈ అమ్మాయి కూడా, పైన చెప్పిన పలుకులని ఇలా విన్నది.

మొదటబ్బాయి:

My dear you will never get a nicer buddy than me, you’re lucky don’t run away likeyou don’t likeme, silly you can never getaway, come to me

ఆ.వె. మైడియరు, యువిలు నెవరు గెటె నైసరు
బడ్డి దాను మీ, యువారు లక్కి,
డోన్టు రనవె లైక్యు డోన్టులైక్మీ, సిల్లి,
యూకెను నెవరు గెటెవే, కముటుమి

రెండవబ్బాయి:

O! very very nice lovely pretty young thing, I do not think it is fair for you to give me a bored look, hear will be ya’ love, please come near.

కొ.వె. ఓ వెరివెరి నైసు లవులీ ప్రెట్టి యంగు
థింగు, ఐడునాటు థింకిటీజు ఫెయిరు
ఫరుయు టు గివు మీ ఎ బోర్డు లుక్కు, హియరు,
విల్లు బీ య’ లవ్వు, ప్లీజు కమ్ము నియరు

విని, నన్ను కోరుతూ ఆటవెలదా? అనుకుని కొత్తవెలది పలికిన అబ్బాయి దగ్గరకే చేరిందన్నమాట..

(కొత్తవెలది అని పేరు కనిపెట్టిన రాకేశ్వరా, చప్పట్లు!)

సహాయం కావాలి

చ. తెలుగు అకాడమీ మనకు తెచ్చెను అర్ధశతాబ్ది ఉత్సవ
మ్ములను పురస్కరించుకొని బోలెడు చక్కని చౌక పుస్తక
మ్ములనని, ఎక్కడో చదివి, పోయి సరాసరి నేను చూడడం
సులభముకాక, ప్రాణము ఉసూరనె; మార్గము చిక్కెనింతలో...

మా మామగారు నా కోసమని వెళ్ళి పుస్తకాలు కొంటానన్నారు! సంతోషమే - కానీ నాకు తెలుగు అకాడమీ ప్రచురణల గురించి ఎక్కువ తెలియదు. తెలిసిన రెండు మూడు పుస్తకాల పేర్లు, ఇద్దరు ముగ్గురు కవి/కధకుల పేర్లు చెప్పాను. (వారి ప్రచురణలో కాదో తెలియదు). అందువల్ల మీకు తెలిసిన చదవదగ్గ తెలుగు అకాడమీ ప్రచురణలు ఏమైనా ఉంటే వెంటనే తెలిపి పుణ్యం కట్టుకోండి.

కనుక్కోండి చూద్దాం

ఈ క్రింది వాక్యంలో ఓ ప్రత్యేకత ఉంది, ఏంటది? కాస్త కలా-పోసన పెంచుకు చూడండి..

When I went to the Consulate for my Visa, the line there snakin-nice-and-soporific but low key way to people sitting-on-nice-and-heavily-cooled den, ignoring us-there in Chennai's-heat very humid weather-OH! simply belittled me!

మాయాబజార్ ప్రశ్న

నేను సైతం గారిని చూసి, నేను సైతం నేను సైతం అంటున్నాను, మాయాబజార్ గురించి - ఒక చిన్న ప్రశ్న వేద్దామనే ఉద్దేశ్యంతో...

మాయా బజార్ చిత్రంలో ద్విపాత్రాభినయం చేసినది ఎవరు, ఏ పాత్రలు. చెప్పుకోండి చూద్దాం.

అలవోక సినీపృఛ్ఛకం - 7 (సమాధానాలు)

1. తెలుగులో చిరంజీవి నటించిన ఈ చిత్రం పేరుతోనే దాదాపు ఇరవై ఏళ్ళ క్రితం హిందిలో ఒక చిత్రం వచ్చింది. ఆ చిత్రం అనూహ్య విజయం వల్ల అందులోని హీరో హింది చలన చిత్ర రంగంలో కొన్నేళ్ళు ఒక వెలుగు వెలిగాడు. అందులోని పాటలన్ని చాలా ప్రాచుర్యం పొందాయి. వాటిలో భావోద్వేగ పూరితమైన పాట ఒకటి ఉంది. ఆ పాట చిత్రీకరణకి ఒక ప్రత్యేకత ఉంది. ఏమిటది?

జవాబు: చిత్రం పేరు ఆరాధన. పాట ‘రూప్ తెరా మస్తానా’. దీని ప్రత్యేకత ఏమిటంటే, మూడు నిమిషాలకు పైగా ఉన్న ఈ పాట మొత్తం ఒకే షాటులో తీసాడు దర్శకుడు శక్తి సామంత.. ఇంకా నమ్మకం కలగక పోతే యూ-ట్యూబ్ లో ఉన్న ఈ వీడియో చూడండి.

2. రాకి (హింది), విక్రం (తెలుగు), ఆరెంజ్ కౌంటి (ఆంగ్లం) చిత్రాలకి ముడి వేయండి?

జవాబు: ప్రముఖ హీరోల కొడుకుల మొదటి చిత్రాలు. దోసనార, కొత్తపాళీ గార్లు సరుగ్గా చెప్పేసారు.

3. ఈ కధానాయకి మొదటి హింది చిత్రం ఒక తెలుగు చిత్రానికి రీమేక్. ఆ రెండు చిత్రాలలో ఆమే కధానాయకి. ఆ తెలుగు చిత్రానికి, వేటూరి గారికి ఒక ప్రత్యేక సంబంధం ఉంది. ఏంటది?

జవాబు: నటి జయప్రద. చిత్రం సిరిసిరి మువ్వ. వేటూరి గారు (జంధ్యాలతో కలిసి) సంభాషణలు రాసిని ఒకే ఒక చిత్రమిది.

4. శోభన, సౌందర్య, విద్యా బాలన్ - వీరు ముగ్గురూ ఒకే పని చేసారు, ఏమిటది? ఇదే చిట్టాలో ఇంకో కధానాయకిని కూడా చేర్చచ్చు, ఆమె ఎవరు?

జవాబు: చంద్రముఖి, జ్యోతిక. దోసనార గారు సరిగ్గా చెప్పారు

5. చంద్రమోహన్, కె రాఘవేంద్రరావు, చక్రవర్తి, కమల్ హసన్, భారతి రాజ, ఇళయరాజ - వీరిని ఒక చిత్రం ముడి వేస్తుంది. ఏమిటది?

జవాబు: సినిమా పదహారేళ్ళ వయస్సు. ఈ చిత్ర తమిళ మాతృకకి సంబంధించిన వారు చివరి ముగ్గురు. చంద్రమోహన్ కమల్ హసన్ వేసిన పాత్ర వేయగా, రాఘవేంద్రరావు భారతిరాజ లాగ దర్శకత్వం, చక్రవర్తి ఇళయరాజా లాగ సంగీత దర్శకత్వం చేసారు (సిరిమల్లె పూవా పాట ఇళయరాజా బాణియే)

6. శ్రీ శ్రీ రాసిన ఈ పాటని తెరమీద నాగేశ్వరరావు పాడుతుండగా రెప్పపాటు సమయం సంగీతదర్శకులు పెండ్యాల దర్శనమిస్తారు. ఏ పాట, ఏ చిత్రం?

జవాబు: ‘కల కానిది విలువైనది’ పాట. ఈ పాట నాగేశ్వరరావు స్టూడియోలో పాడతాడు. అక్కడ పెండ్యాల రప్పపాటు పాత్రలో కనిపిస్తారు. సౌమ్య సరిగ్గా చెప్పారు.

7. నట రత్న ఎన్. టి. ఆర్, హింది నటుడు గోవింద, హాలివుడ్ యువ నటుడు బ్రాండన్ రౌత్ - ముగ్గురికి ముడి వేయండి?

జవాబు: ముగ్గురూ సూపర్ మాన్ పాత్రలు ధరించారు.(హ హ...అవును!) దోసనార గారు సరిగ్గా చెప్పారు.

అలవోక సినీ పృఛ్ఛకం (Random cine quiz) – 7

ఈ సారి ప్రశ్నలు ఇవిగో.

1. తెలుగులో చిరంజీవి నటించిన ఈ చిత్రం పేరుతోనే దాదాపు ఇరవై ఏళ్ళ క్రితం హిందిలో ఒక చిత్రం వచ్చింది. ఆ చిత్రం అనూహ్య విజయం వల్ల అందులోని హీరో హింది చలన చిత్ర రంగంలో కొన్నేళ్ళు ఒక వెలుగు వెలిగాడు. అందులోని పాటలన్ని చాలా ప్రాచుర్యం పొందాయి. వాటిలో భావోద్వేగ పూరితమైన పాట ఒకటి ఉంది. ఆ పాట చిత్రీకరణకి ఒక ప్రత్యేకత ఉంది. ఏమిటది?

క్లూ: భావోద్వేగం! తెలియలేదా? సరే, ఓ వర్షం కురిసిన రాత్రి!

2. రాకి (హింది), విక్రం (తెలుగు), ఆరెంజ్ కౌంటి (ఆంగ్లం) చిత్రాలకి ముడి వేయండి?

3. ఈ కధానాయకి మొదటి హింది చిత్రం ఒక తెలుగు చిత్రానికి రీమేక్. ఆ రెండు చిత్రాలలో ఆమే కధానాయకి. ఆ తెలుగు చిత్రానికి, వేటూరి గారికి ఒక ప్రత్యేక సంబంధం ఉంది. ఏంటది?

క్లూ: కళాతపస్వి కూడా ఉన్నారిక్కడ!

4. శోభన, సౌందర్య, విద్యా బాలన్ - వీరు ముగ్గురూ ఒకే పని చేసారు, ఏమిటది? ఇదే చిట్టాలో ఇంకో కధానాయకిని కూడా చేర్చచ్చు, ఆమె ఎవరు?

5. చంద్రమోహన్, కె రాఘవేంద్రరావు, చక్రవర్తి, కమల్ హసన్, భారతి రాజ, ఇళయరాజ - వీరిని ఒక చిత్రం ముడి వేస్తుంది. ఏమిటది?

6. శ్రీ శ్రీ రాసిన ఈ పాటని తెరమీద నాగేశ్వరరావు పాడుతుండగా రెప్పపాటు సమయం సంగీతదర్శకులు పెండ్యాల దర్శనమిస్తారు. ఏ పాట, ఏ చిత్రం?

క్లూ: ఎంతవరకూ నిజమో తెలియదు కాని, ఈ పాట విని ఆత్మహత్య చేసుకుందామనుకుంటున్న ఒకాయన ఆగిపోయాడట.

7. నట రత్న ఎన్. టి. ఆర్, హింది నటుడు గోవింద, హాలివుడ్ యువ నటుడు బ్రాండన్ రౌత్ - ముగ్గురికి ముడి వేయండి?

==

ఆరవ టపాలో వేసిన ప్రశ్నలకి dosanara, కొత్త పాళీ గారు సరైన సమాధానలు తెలిపారు. స్ట్రైసాండు ఇఫెక్ట్ అనేది నాలుగేళ్ళ క్రితం ఆ నాటి ఒక ఫొటోగ్రాఫర్ తో పెట్టుకున్న గొడవ వల్ల వచ్చింది. దేన్నైనా (ముఖ్యంగా అంతర్జాలంలో) అణగదొక్కాలని చూస్తే అది అంతకంతా పాప్యులరై కూర్చుంటే, అది స్ట్రైసాండు ఇఫెక్ట్ అన్న మాట. ‘పద్మమే ఉంది కాని శ్రీ లేదు’ అని వాపోయిన నటుడు నాగయ్య గారు. ఒకప్పుడు భారతదేశంలో ఏ నటుడు ఎరగనట్టి గౌరవాలు, పారితోషకాలు ఆయనకి వచ్చాయి. కాని అపాత్రదానాలు చాలా చేయడం వల్ల, వ్యాపార వ్యవహారాలలో అనుభవం లేక పోవడంవల్ల ఆయన డబ్బునంతా కోల్పోయి చివరి రోజులు పేదరికంలో గడపవలసి వచ్చింది పాపం.

అలవోక సినీ పృఛ్ఛకం (Random cine quiz) – 6

ఐదవ ప్రశ్నల పుట్టకి సమాధానాలు, ఒక సవరణ ఇవిగో. రెంటికి dosanara, తెలుగువీర, ఒక ప్రశ్నకి చేతన సరైన సమాధానాలు తెలిపారు. నెనర్లు!

1. బాలనటిగా తెలుగు తమిళ హింది రంగాలలో పేరుతెచ్చుకున్నది శ్రీదేవి. ఆమె బావమరిది అనిల్ కపూర్. అతను వంశ వృక్షం అనే తెలుగు చిత్రంలో, పల్లవి అనుపల్లవి అనే కన్నడ చిత్రంలో నటించాడు. పల్లవి-అనుపల్లవి కి దర్శకుడు మణి రత్నం. అతని భార్య సుహాసిని. ఆమె బాబాయ్ కమల్ హసన్. కమల్ హసన్, శ్రీదేవి నటించిన చిత్రం వసంతకోకిల

2. ఎమ్. ఎస్. రామారవు గారు ఘంటసాల గురించి అన్న మాటాలవి., చాకలి వాడు రేలంగి, సినిమా లవకుశ. సవరణ: ఆయన అన్నది “రాముడి పాటలు ఆయనే పాడుకున్నరు, చాకలి వాడి పాటలు ఆయనే, చివరికి వాల్మీకి పాటలు కూడా”

3. బాలిండియా రేడియో అన్నది నాగూర్ బాబు (మనొ)

ఇక ఈ సారి ప్రశ్నలు.

1. కొంచెం కష్టమైనదే: అసెంబ్లి రౌడి, హలో డార్లింగ్, పోలిసు భార్య చిత్రాలకి స్ట్రైసాండ్కి (పరోక్షమైన)సంబంధం లాగ గలరా. (గమనిక: ఆమెకి ఈ చిత్రాల గురుంచి తెలిసే అవకాశం లేదనుకుంటా..సంబంధం కోసం tangential గా ఆలోచించాలి)

క్లూ: "స్ట్రైసాండె ఇఫెక్ట్" గురించి ఆలోచించండి

2. కేంద్ర ప్రభుత్వం తనకు పద్మశ్రీ పురస్కారం ప్రకటించినప్పుడు 'పద్మ ఉంది కాని శ్రీ లేదు' అని వాపోయిన గొప్ప నటుడు ఎవరు.

క్లూ: తెలుగు నటుడే. ఒకప్పడు కధానాయకుడిగా నటించడానికై కని విని ఎరుగనంత అత్యధిక పారితోషకం లభించేది ఈయనకు..

అలవోక సినీ పృఛ్ఛకం (Random cine quiz) - 5

ముచ్చటగా మూడు తెలుగు ప్రశ్నలివిగో..

1. బాలనటిగా తెలుగు తమిళ రంగాలలో పేరుతెచ్చుకున్న ఈ నటి, పెరిగి తెలుగు తమిళ రంగాలే కాక హింది రంగాన్ని కూడా ఒక ఊపు ఊపింది. ఈమె బావమరిది హింది రంగంలో పేరున్న నటుడు. అతను తెలుగులో ఒక చిత్రంలో నటించాడు కూడా. కన్నడలో అతను నటించిన ఒకే ఒక చిత్రానికి ఒక నూతన దర్శకుడు పని చేసాడు. ఆ దర్శకుడు అటు తర్వాత ఒక తెలుగు చిత్రం, పలు తమిళ హింది చిత్రాలు చేసి చాలా పైకి వచ్చాడు. ఇతని భార్య దక్షిణ భారత భాషలలో పేరు తెచ్చుకున్న నటి. ఈ నటి బాబాయ్ ప్రసిధ్ధి పొందిన ఒక కధానయకుడు.

మొదట చెప్పిన కధానాయకి, చివర చెప్పిన కధానాయకుడు పలు హిట్ చిత్రాలలో నటించారు. వాళ్ళు నటించిన ఒక చిత్రంలో ఇద్దరూ అద్భుతమైన నటన ప్రదర్శించారు, కానీ కధానాయకుడికే ఉత్తమ నటుడి జాతియ పురస్కారం లభించింది. తెలుగులో కూడా వచ్చిన ఆ చిత్రం పేరేమిటి.

2. 'ఆయనే రాముడి పాటలు పాడుకున్నారు. ఆయనే నారదుడి పాటలు, చివరకి చాకలివాడి పాటలు కూడా పాడుకున్నారు' అని ఒక గాయకుని గురించి ఇంకో గాయకుడన్న మాటలివి. ఎవరా చాకలి వాడు, ఏమా చిత్రం. గాయకులని కూడా గుర్తించండి. (ఈ ప్రశ్నకి ఒక సవరణ ఇక్కడ ఉంది)

3. 'చిన్నప్పుడు అందరికి ఆలిండియా రేడియో ఉంటే నాకు మాత్రం బాలిండియా రేడియోనే' అని బాలుని పొగిడిన గాయకుడు ఎవరు.

అలవోక సినీ పృఛ్ఛకం (Random cine quiz) - 4

మూడవ పృఛ్ఛకంలో సౌమ్య అన్నిటికీ, విశ్వనాధ్ కొన్నిటికి సరైన సమాధానాలు చెప్పారు. అదే ప్రశ్న తరహాలో ఇంకోటి.

క, ఖ, గ ముగ్గురూ హింది చిత్రరంగంలో పేరుపొందిన సంగీతదర్శకులు. క, ఖ సమకాలీకులు కూడా. గ ని చిన్నప్పుడు రికార్డింగ్ స్టూడియోకి తీసుకు వెళ్ళే అలవాటు క కి ఉండేది. ఒక సందర్భంలో గొంతెత్తి ఏడుస్తున్న గ ని చూసిన ఖ - "ఏడుపు కూడా స్వరబధ్ధంగానే ఏడుస్తున్నావే" అని అబ్బురపడి ఒక స్వరంపేరు ముద్దు పేరుగా పెట్టాడు. గ పెరిగి పెద్దైన తర్వాత కూడా చాలా మంది ఆ పేరు (చ) తోనే పిలిచేవారు.

క, ఖ, గ ఎవరు? చ ఏమిటి?

(ఒక క్లూ: గ సంగీతం కూర్చడంలోనే కాక, తబల, హార్మొనిక (మౌతార్గన్) వాయించడంలో దిట్ట)

అలవోక సినీ పృఛ్ఛకం (Random cine quiz) - 3

మొదటి పృఛ్ఛకానికి dosanara, రెండవ పృఛ్ఛకానికి రవి, solarflare, సౌమ్య సరైన సమాధానలు రాసారు.

ఇదిగో ఇంకో ప్రశ్న.

ప్రసిధ్ధి పొందిని ఓ హింది చిత్రంలో తల్లీ-కొడుకులులాగ నటించిన క, ఖ, నిజ జీవితంలో భార్యభర్తలు. వాళ్ళిద్దరి కొడుకు గ కూడా సినీ రంగంలో మంచి పేరు సంపాదించుకున్నాడు. క పెళ్ళికి ముంది ఇంకో పేరున్న నటుడు, దర్శకుడు, నిర్మాత చ తో చాలా చిత్రాలలో నటించింది. చ చిత్రాలకి సాధారణంగా జ, ఝ లు సంగీతం సమకూర్చేవారు. వారిలో జ హైదరాబాదు వాడవ్వడం వల్ల (చాల హిట్టైన) ఒక పాట పల్లవిలో (ప అనే చిత్రంలోనిది) రెండు తెలుగు పదాల ప్రయోగం చేయించాడు. రెండు పదాలూ ట, ఠ అనుకుందాం.

ఇంతికీ ఈ హల్లులంతా ఎవరు, ఏమిటి?

అలవోక సినీ పృఛ్ఛకం (Random cine quiz) - 2

మరిన్ని ప్రశ్నలు.

1. What is the common thing between Majnu, Neti Siddhartha, Khuda Gawah and Mr. India?
2. Dalapathi has a LAST and Roja has a FIRST as far as Mani Ratnam is considered. What are those?
3. An affair to remember starring Cary Grant and Deborah Carr, a 1957 Hollywood movie was remade into Hindi starring Aamir Khan and Manisha Koirala. The same movie was remade into Telugu also. Name the Hindi and Telugu films
4. Count of Monte Cristo an immensely popular classic by Alexandre Dumas was made into movie in many languages. This story of vengeance was made in Telugu also. Name the movie

అలవోక సినీ పృఛ్ఛకం (Random cine quiz) - 1

కొన్ని నెలల క్రితం మా స్నేహితుడి పాప పుట్టినరోజు వేడుకకి వచ్చిన వాళ్ళకి బోరుకొట్టకుండా ఉండడానికి నేనొక పృఛ్ఛకం (క్విజ్) నిర్వహించాను. అందులో ప్రశ్నలు కొన్ని మీముందు ఉంచుతున్నాను. వీలు దొరికినప్పుడు ప్రయత్నించండి.

This director in late 1980s, then in his 20s delivered one of the biggest blockbusters of Telugu filmdom. He is a leading Hindi film director and producer now. He was (and is) known for his cocky responses when asked about his films. Once he said "I don't make movies for folks in Bihari hinterland. If the village folk there choose to ignore my movies, then be it" (quote not verbatim).

The music for his fourth movie - that stars the same hero as his first movie – was given by one of the leading composers of yesteryears' Hindi movies. Name the movie and the music director?

నిజమా?

శృతిలయలు చిత్రంలోని 'తెలవారదేమో స్వామి' పాటకి పల్లవి కళాతపశ్వి రాయగా చరణపూరణం సిరివెన్నెల చేసారని ఎక్కడో చదివిన గుర్తు. ఇది నిజమా?