ఓ గణాధిపా నీకు మ్రొక్కెదన్ - 2

చ. గణములకాధిపత్యమును గైకొన వేడగ తల్లిదండ్రులన్
అణకువతోడ; తమ్ముని, గజానన, నెగ్గిన ఇత్తుమంటిరే;
బెణకని మందగామివి అభీప్సితసిధ్ధికి భక్తితో ప్రద
క్షిణలు ఉమామహేశ్వరుల చెంతనె చేస్తివి నాయకుండవన్
(మణిమయ భూషితా మహిత పార్వతి పుత్ర మహాగణాధిపా)

ఓ గణాధిపా నీకు మ్రొక్కెదన్

ఉ. వ్యాస మహామునీశ్వరుని వాక్కులు వేగగతిన్ సుధాశును
ద్భాసితమైన పద్యముల పార ఘనామృత సారమంతయూ
వ్రాసితివయ్య విఘ్నగణరాయ అచంచల దీక్షబూని; సం
తోసముతో మునే పలికెనో, పలికించిన వాడవీవెనో?
(వాసిగ విద్యలన్ ఒసగు పార్వతి పుత్ర మహాగణాధిపా)