అనగనగా..

అనగనగా ఒక రాజు, ఆ రాజుకి ఏడుగురు కొడుకులు, ఆ ఏడుగురు కొడుకులు ఒక రోజు వేటకి వెళ్ళారు...

ఈ కధ మనమందరము చిన్నప్పుడే విన్నాం. "చేపా చేపా ఎందుకు ఎండలేదు?" అన్న డొంక కదిలించగల తీగ లాంటి ఈ ప్రశ్నతో ఆ కధ ముందుకు చర-చరా పాకేస్తుంది. (మరో విషయం, ఇదే ప్రశ్నకి బాపు-రమణ గార్ల తెలివైన సమధామూ ఉంది. "చేపా చేపా ఎందుకు ఎండలేదు?" అంటే చేప "ఎండలేదు" అందిట)

ఇంతకీ చెప్పొచ్చిన విషయమేమిటంటే, ఇలాంటివి చిన్ననాటి కధల్లోనే కాదు నిజజీవితంలో కూడా జరుగుతాయి, తెలుసా?

==

ప్ర: అయ్యగారు, అయ్యగారు మీకు 230 డాలర్లు ఎందుకు?

జ: నా కోళ్ళు చచ్చిపోయాయి కాబట్టి.

ప్ర: కోళ్ళు, కోళ్ళూ మీరంతా ఎందుకు చచ్చిపోయారు?

జ: పిల్లాడు అరిచాడు కాబట్టి (అరిస్తేనే చచ్చిపోవాలా అని ఇంకొక పంధాలో వెళ్ళిపోవచ్చును కానీ...)

ప్ర: అబ్బాయి, అబ్బాయి ఎందుకు అరిచావు?

జ: కుక్క మొరిగింది కాబట్టి

ప్ర: కుక్కా, కుక్కా ఎందుకు మొరిగావు?

జ: నన్ను యజమాని కట్టిపడేసాడు కాబట్టి

ప్ర: యజమాని, యజమాని కుక్కను ఎందుకు కట్టేసావు?

జ: కట్టేయకపోతే అది కోళ్ళని చంపేస్తోంది. మరి నేను కట్టనా? :))

==

అసలు కధ ఇక్కడ చదవండి.