హాస్యం మరెక్కడో లేదు..

మన తెలుగు సినిమాలని వేర్వేరు కోవలలో ఎందుకు పెట్టలేమో కొద్దిగా ఆలోచించండి.

సినీ అభిమానులు కాబట్టి మీరు సమాధనాన్ని ఇట్టే పట్టేయగలరు.ఎందుకంటే, మన వాళ్ళు తీసే నవ్వు చిత్రాలు చిరాకుని, ఢిషుం ఢిషుం చిత్రాలు విసుగుని, ఏడుపు చిత్రాలు నవ్వుని తెప్పిస్తాయి కాబట్టి...ఒప్పుకుంటారా?

మన వాళ్ళు మంచి సినిమాలు తియ్యరని కాదు, కొద్ది మంది ఉన్నారులెండి. నా గోడు అంతా ఆ కొద్ది మంది కాని మంద గురించే..

మొన్న ఈ మధ్య, ఒక బెంగాలి బాబు బ్లాగ్ లో మన తెలుగు కధానాయకుడి ప్రస్తావన వచ్చింది. మన కె.నాయకుడి సినిమాలలో చూపించే వీరోచితాలు ఎంత హాస్యాస్పదాలో అక్కడ కాసేపు సమీక్ష. చూసి నాకు నవ్వు, అలాంటి సినిమాలు మనమీదకి వదిలే చిరాకు మంద మీద చిరాకు ఆగలేదు. నవ్వు మాత్రం బాగా వచ్చింది లెండి.ఇక్కడ మీకోసం కొన్ని మచ్చుతునకలు.
1. కుర్చీ మాయ
2. శగబండి పొగలు
3. టాం క్రూజ్ అన్నయ్య (అయ్యో రామా! )
4. విమాన వీరోచితం

నవ్వాగిందా?

ఇలాంటి సినిమాలు ఏ కోవలోకి వస్తాయో మీరే చెప్పండి?
==
ఇదే విషయం మీద నవీన్ గారి చణుకులూ చూడండి.